Aqueste diccionari occitan (gascon) / francés que compta a l’entorn de 110 000 entradas en tres tòmes. Qu’amassa l’integralitat deu Dictionnaire français-occitan en dus volumes de Per Noste, revirat dens lo sens occitan (gascon) / francés au quau se horneish lo contienut deus diccionaris de Simin Palai, de Fèliç Arnaudin e de Vincenç Foish, hicats peu purmèr còp en grafia classica. Qu’i trobaratz donc ua gran varietat de lexic, mots d’usatge locau com d’emplec generau, mots de ger mes tanben mots de uei, tèrmis corrents, de la vita de tot dia com tèrmis tecnics, sabents o literaris.
Los mots gascons que son revirats per un o mei d’un mot francés en cada accepcion e acompanhats d’exemples d’emplec. Las diferentas fòrmas locaus d’un medish mot que remandan a ua entrada unica qui detalha los sens.
D’un endom comparable au Tresor dóu Felibrige de Frederic Mistral, e passant lo deu Dictionnaire du béarnais et du gascon modernes de Simin Palai, aqueste obratge qu’espèra aviar la nosta lenga dens lo sègle XXI^au.

Ce dictionnaire est divisé en 3 tomes : A-D, E-N et O-Z.

Diccionari occitan francés (Gasconha) : A-D : 716 paginas
978-2-86866-159-3

Diccionari occitan francés (Gasconha) : E-N : 751 paginas
978-2-86866-160-9

Diccionari occitan francés (Gasconha) : O-Z : 731 paginas
978-2-86866-161-6

Ces trois tomes sont disponibles à la consultation sur le site d'ALCA Bordeaux.